A blast in Balochistan martyred six army personnel, including Major Nadeem Abbas Bhatti

   A GOOD JOB

انڈیا میں ایک اداکارہ نے کورونا وائرس سے لڑنے والوں کی مدد کرنے کے لیے ایک ہسپتال میں رضا کارانہ طور پر کام کرنا شروع کر دیا ہے۔

اداکارہ شکھا ملہوترا جنہوں نے شاہ رخ خان کی فلم 'فین' میں کام کیا تھا کا کہنا ہے کہ انہوں نے کووڈ 19 کے مریضوں کی مدد کا اس لیے فیصلہ کیا کیونکہ ان کھ پاس نرسنگ کی ڈگری ہےy۔

مزید پڑھیں

·        

کورونا: برطانیہ کا ریٹائرڈ ڈاکٹروں کو بلانے کا فیصلہ

·        

انڈیا میں ڈاکٹروں سے 'اچھوت' جیسا سلوک

·        

نیویارک میں مریضوں کے’ ٹپکتے آنسوؤں اور آہوں کی آوازیں'

اپنے انسٹاگرام پوسٹ پر انہوں نے اس بارے میں لکھا ہے کہ 'چاہے نرس کے طور پر کام کرنا ہو یا انٹرٹینمنٹ کے لیے، ہمیشہ اپنے ملک کی خدمت میں حاضر ہوں۔ آپ کی دعا چاہیے۔'

انہوں نے لوگوں سے گھر کے اندر اور محفوظ رہنے کی اپیل بھی کی۔

اپنے پیغام میں شکھا ملہوترا نے میڈیکل کی تعلیم رکھنے والے تمام افراد سے گزارش کی ہے کہ وہ اس وبا کے خلاف جنگ میں حصہ لیں۔

واضح رہے کہ دنیا بھر میں کورونا وائرس کے بڑھتے کیسز کی وجہ سے ہسپتالوں میں ہنگامی صورتحال ہے، جس کی وجہ سے اضافی طبی عملے کی ضرورت ہے۔

انڈیا میں کورونا کیسز کی تعداد 1000 سے اوپر ہے (فوٹو: اے ایف پی)

کچھ دن قبل برطانوی حکومت نے ریٹائرڈ ڈاکٹروں اور نرسوں سے کام پر واپس آنے کی اپیل کی تھی اور میڈیکل فائنل ایئر کے طلبہ کو عارضی طور پر ملازمت دینے کا فیصلہ کیا تھا۔

برطانوی خبر رساں ادارے روئٹرز کے مطابق 65 ہزار کے قریب سابق ڈاکٹروں اور نرسوں کو واپس ڈیوٹی پر آنے کا کہا جا رہا تھا۔ زیادہ زور برطانیہ کی نیشنل ہیلتھ سروس کے سابق ملازمین پر دیا جا رہا تھا اور خاص طور پر وہ جنہوں نے گذشتہ تین سال میں کام کو خیر آباد کہا ہے۔

انڈیا  کورونا وائرس سپیشل کورونا وبا مریض رضاکار